Que é Conta Con Elas >> Que é Equal

EQUAL é a Iniciativa Comunitaria de Recursos Humanos promovida polo Fondo Social Europeo para o período 2001-2006. A Iniciativa Comunitaria EQUAL, que forma parte dunha estratexia integrada para o emprego, ten por obxectivo a loita contra todas as formas de discriminación e desigualdade que se producen no mercado de traballo e, en particular, contra aquelas que se basean no sexo, a raza, a orixe étnica, as crenzas ou a idade.

Para alcanzar este obxectivo, os proxectos EQUAL deben ter un contido innovador, deseñado e desenvolvido a través de mecanismos de cooperación entre entidades de distinta natureza e desde unha perspectiva de traballo transnacional.

Dentro da Iniciativa Equal hai varios eixes de intervención. O Proxecto Conta con Elas está integrado no eixo 4 dedicado á Igualdade de oportunidades entre homes e mulleres. Dentro deste eixe, a súa área temática é a de reducir os desequilibrios entre homes e mulleres e apoiar a eliminación da segregación no traballo.

Máis información en:

Ministerio de Traballo e Asuntos Sociais. Unidade Administradora do Fondo Social Europeo: http://www.mtas.es/uafse/equal/

Iniciativa Equal: http://ec.europa.eu/employment_social/equal/index_en.cfm

Subir