Medio ambiente > Noticias

O Proxecto Equal Conta con Elas dedica 54.000 euros para a promoción do medioambiente nas empresas

A concelleira delegada para o Proxecto Conta con Elas, Lucía Molares, e o director do Instituto de Desenvolvemento Caixanova, Carlos Palleiro, presentaron hoxe as bolsas Reafirma Medioambiente do Proxecto Equal Conta con Elas. O orzamento da acción é de 54.000 euros.

Esta acción do Proxecto está executada pola Fundación Caixanova, entidade asociada do Proxecto Conta con Elas.

As bolsas Reafirma Medioambiente teñen como obxecto a convocatoria e concesión de 18 bolsas para facilitar a mulleres beneficiarias do Proxecto, seleccionadas para participar nesta acción, a posibilidade da iniciación profesional relacionada coa posta en marcha ou desenvolvemento dun proxecto de carácter medioambiental nunha empresa situada no territorio da Mancomunidade da �rea Intermunicipal de Vigo.

Estas 18 bolsas implicarán para as mulleres beneficiarias unha estancia dun período de 6 meses nos centros de traballo dependentes das empresas e entidades beneficiarias desta acción. Por outra banda, as beneficiarias da bolsa terán dereito a 500 euros por cada período mensual completado, en concepto de incentivo pola asistencia ás prácticas e axuda aos gastos de desprazamento e manutención.

A selección de empresas e mulleres realizarase despois dun anuncio que se publicará o domingo 3 de decembro coas bases e requisitos das axudas. Entre as empresas que presenten a súa candidatura se valorará especialmente aqueles proxectos que sexan de empresas en sectores masculinizados, que ofrezan maior sostenibilidade do posto de traballo no futuro e que supoñan a colaboración entre varias empresas.

As bases e formulario para cubrir atópanse na sección de materiais.

>> Archivo adjunto:
bases_reafirma_medioambiente.pdf (1227 KB)

Subir